ചിമ്മിനി ഡാമിന്റെ ഷട്ടറുകൾ ഇന്ന് 11 മണിക്ക് ശേഷം തുറക്കും. ഡാമിന്റെ ജലനിരപ്പ് പരമാവധി സംഭരണ ശേഷിയോട് അടുത്തെത്തിയതിനാലാണ് ഷട്ടറുകൾ തുറക്കുന്നത്.
60.31 മീറ്ററാണ് ഡാമിന്റെ സംഭരണ ശേഷി. തിങ്കളാഴ്ച ഇത് 60.02 മീറ്റാറായിരുന്നു. തുടർന്നാണ് അധികജലം പുറത്തേക്ക് ഒഴുക്കാൻ ജില്ലാ ദുരന്ത നിവാരണ അതോറിറ്റിയുടെ ചുമതല വഹിക്കുന്ന ജില്ലാ കളക്ടർ എസ് ഷാനവാസ് ഉത്തരവിറക്കിയത്.
ഷട്ടറുകൾ ഉയർത്തുന്നതോടെ കരുവന്നൂർ പുഴയിലെയും കുറുമാലിപ്പുഴയിലെയും ജലനിരപ്പ് ഉയരാൻ സാധ്യതയുണ്ട്. ജനങ്ങൾ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി
