മുണ്ടൂർ – തുത പാതയിൽ കുളക്കാട് സ്വകാര്യ ബസ്സും – സ്കൂട്ടറും കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. സ്കൂട്ടർ യാത്രികനായ മാങ്ങോട് കരിമ്പൻ ചോല രവിയാണ് മരിച്ചത്. 45 വയസായിരുന്നു. സഹോദരൻ പ്രസാദ് ഗുരുതര പരിക്കുകളോടെ തൃശൂർ മെഡിക്കൽ കോളേജിൽ ചികിത്സയിലാണ്. കരിമ്പുഴയിൽ ബലിതർപ്പണത്തിന് പോകുകയായിരുന്നു ഇവർ
മുണ്ടൂർ – തൂത പാതയിൽ കുളക്കാട് ഷാപ്പിന് സമീപം ഇന്ന് രാവിലെ 6 മണിക്കാണ് അപകടമുണ്ടായത്.കരിമ്പുഴ ഭാഗത്തേക്ക് പോകുകയായിരുന്ന സ്കൂട്ടറും എതിരെ വന്ന സ്വകാര്യ ബസ്സും തമ്മിലാണ് കൂട്ടിയിടിച്ചത്. അപകടത്തിൽ ഗുരുതരമായി പരിക്കേറ്റ മാങ്ങോട് കരിമ്പൻ ചോല വീട്ടിൽ രവി, സഹോദരൻ പ്രസാദ് എന്നിവരെ ആദ്യം മാങ്ങോട് മെഡിക്കൽ കോളേജിലും , പിന്നീട് തൃശ്ശൂർ മെഡിക്കൽ കോളേജ് ആശുപത്രിയിലും എത്തിച്ചെങ്കിലും ചികിത്സയിലിരിക്കെ
രവി മരണപ്പെട്ടു. സഹോദരൻ പ്രസാദ് ഗുരുതരാവസ്ഥയിൽ ഇവിടെ ചികിത്സയിൽ തുടരുകയാണ്..അപകടത്തിൽ ഇവർ സഞ്ചരിച്ച സ്കൂട്ടർ പൂർണമായും തകർന്നു
