നമ്മുടെ ശരീരത്തിലെ പ്രധാനപ്പെട്ട ഒരു അവയവമാണ് വൃക്ക. വൃക്കയുടെ പ്രവർത്തനം തകരാറിലായാൽ പല ഗുരുതര പ്രശ്നങ്ങളും നമ്മൾ നേരിടേണ്ടി വരും, കാരണം ശരീരത്തിലെ മലിന വസ്തുക്കളെ അരിച്ചു മാറ്റുന്നതുൾപ്പെടെയുള്ള പ്രവർത്തികളാണ് ഇവ
ചെയ്യുന്നത്.
ഹൃദയത്തിന്റെ അനാരോഗ്യം ടൈപ്പ് 2 പ്രമേഹം തുടങ്ങിയ രോഗങ്ങൾ വൃക്കയുടെ പ്രവർത്തനത്തെ ബാധിക്കും. അതിനാൽ വൃക്കകളുടെ ആരോഗ്യം നിലനിർത്തുക എന്നത് ഒരു പ്രധാന ഘടകമാണ്. ഭക്ഷണത്തിന് ഇക്കാര്യത്തിൽ ഒരു പ്രധാന പങ്ക് തന്നെയുണ്ട്.
ശരീരത്തെ ശുദ്ധമാക്കാനും വൃക്കകളുടെ പ്രവർത്തനം സുഗമമാക്കാനും സഹായിക്കുന്ന 5 പാനീയങ്ങളെ പരിചയപ്പെടാം.
നാരങ്ങാ വെള്ളം
![](https://www.twentyfournews.com/wp-content/uploads/2021/06/lemon-juice.jpg)
വിറ്റാമിൻ സി ധാരാളം അടങ്ങിയതിനാൽ രോഗ പ്രതിരോധ ശേഷി വർധിപ്പിക്കുകയും മറ്റ് രോഗങ്ങൾ വരാനുളള സാധ്യത കുറയുകയും ചെയ്യും.
ഇഞ്ചി നീര്
![](https://www.twentyfournews.com/wp-content/uploads/2021/06/ginger-juice.jpg)
ദഹനത്തിനും ശരീര ഭാരം കുറയ്ക്കാനും അത്യുത്തമമാണ്. അത് പോലെ തന്നെ ചുമ, ജലദോഷം എന്നിവയിൽ നിന്ന് ആശ്വാസമേകാൻ ഇഞ്ചി നീര് സഹായിക്കും. ആന്റിഓക്സിഡന്റുകൽ ധാരാളം അടങ്ങിയതിനാൽ ഇത് വൃക്കകളുടെ പ്രവർത്തനം മെച്ചപ്പെടുത്തുന്നു.
ബീറ്റ്റൂട്ട് ജ്യൂസ്
![](https://www.twentyfournews.com/wp-content/uploads/2021/06/beetroot-juice.jpg)
ആരോഗ്യ ഗുണങ്ങൾ ഏറെയുള്ള ബീറ്റ്റൂട്ട് ജ്യൂസ് ശരീരത്തെ ക്ലെൻസ് ചെയ്യുന്നു. ആന്റി ഓക്സിഡന്റുകളാൽ സമ്പന്നമായ ബീറ്റ്റൂട്ട് വൃക്കകളെ ആരോഗ്യമുള്ളതാക്കുന്നു.
കരിക്കിൻ വെള്ളം
![](https://www.twentyfournews.com/wp-content/uploads/2021/06/CoconutWater_Lead.jpg)
ധാരാളം ആരോഗ്യ ഗുണങ്ങളാൽ സമ്പന്നമാണ് കരിക്ക്. ഇത് ചർമ്മത്തിന്റെയും മുടിയുടെയും ആരോഗ്യത്തെ മെച്ചപ്പെടുത്തും. വൃക്കകൾക്കുള്ള തകരാറുകൾ കുറയ്ക്കാനും കരിക്കിൻ വെള്ളം സഹായകമാണ്. കരിക്കിൻ വെള്ളം ഭക്ഷണത്തിൽ ഉൾപ്പെടുത്തുന്നത് വൃക്കകളുടെ ആരോഗ്യത്തിന് നല്ലതാണ്.
ആപ്പിൾസിഡെർ വിനെഗർ
![](https://www.twentyfournews.com/wp-content/uploads/2021/06/apple-cider-vinegar-.jpg)
വൃക്കകളിലെ വിഷാശം നീക്കി ഡീടോക്സിഫൈ ചെയ്ത് വൃക്കകളുടെ പ്രവർത്തനം മെച്ചപ്പെടുത്താൻ സഹായിക്കുന്ന ഒരു പാനീയമാണ് ആപ്പിൾസിഡെർ വിനെഗർ. ഇത് ശരീര ഭാരം കുറയ്ക്കാനും മുഖക്കുരു അകറ്റാനും ഉപയോഗപ്രദമാണ്.
![](https://malabarnewschannel.com/wp-content/uploads/2020/12/SAFA-JWELLERY-300x42.png)