ആലപ്പുഴ: വാഹന പരിശോധനക്കിടെ പൊലീസുകാരനെ ബൈക്ക് യാത്രികൻ ഇടിച്ച് തെറിപ്പിച്ചു. കായംകുളത്ത് ഇന്ന് വൈകീട്ടാണ് സംഭവം. കായംകുളം ട്രാഫിക് എ എസ് ഐ അമീർ ഖാന്റെ കാലിലൂടെ ബൈക്ക് കയറി. അമീർ ഖാൻ കൈ കാണിച്ചിട്ടും, ഇദ്ദേഹത്തെ ഇടിച്ച് തെറിപ്പിച്ച് ബൈക്ക് യാത്രികൻ നിർത്താതെ പോവുകയായിരുന്നു. കായംകുളം മുരുക്കുംമൂട്ടിൽ വെച്ച് ഇന്ന് വൈകീട്ട് നാല് മണിയോടെയാണ് അപകടം നടന്നത്. എഎസ്ഐ അമീർ ഖാനെ സഹപ്രവർത്തകർ കായംകുളം താലൂക്ക് ആശുപത്രിയിൽ എത്തിച്ചു. ഇദ്ദേഹത്തിന്റെ പരിക്ക് സാരമുള്ളതാല്ലെന്നാണ് വിവരം.
![](https://malabarnewschannel.com/wp-content/uploads/2022/08/Untitled-1.jpg)